أبي افهم متى العالـم تحـس وترفـق بعمـري
.......................>ولا ندري متـى نرحـل مـن الدنيـا ومافيهـا..؟
عجب شفت من الدنيا هموماً ضيقـت صـدري
.......................>ترى اقسى من قسى الصخره عيون الناس نبكيها...؟
يمر الوقت ومانحسب حسابه والعمـر يجـري
.......................>وشفت البعض يتسلى على جروحـي ويحييهـا..؟
قريت الظلم بعيون البشر من هـول مايجـري
.......................>وشفت البعض يستانس على نفسـي وشقاويهـا..؟
اذا بعض البشر يهنى علـى غيـره ولا يـدري
.......................>عجزت افهم مشاعرهم وبعض النـاس يخفيهـا..؟
ضحكت بوجههم دايم وسقيت الحلو مـن مـري
.......................>واشوف وجيههم تعبس بشوفـي وانـا اداريهـا..؟
ابروز داخل عيوني بقايا مـن صـور قهـري
.......................>واكسرها على اهدابـي بقايـا دمـوع اهليهـا..؟
اواسي الناس بالضيقه واتحمل حمـل ظهـري
.......................>ونفسي بساعـة الضيقـه ادور مـن يواسيهـا..؟
وحيد بصحبة اوراقي ومرسم كم نزف شعـري
.......................>وبقايا من قصايد حب عجزت اوصـل معانيهـا..؟
خطاي اني وفيت بقلب سرى صدقه مثل يسري
.......................>بعرقي دمي واتعايـش مـع نفسـي واحاكيهـا..؟
اسولف مع نجوم الليل وذاك الساهـر القمـري
.......................>واسترجع سوالف حب ذبحنـي ذكـر ماضيهـا..؟
افتش عن حضورالحزن واشوفه حاضراً بدري
.......................>وافراحي نسـت خالـد مثـل ماكنـت ناسيهـا..؟
كثيره احزان هالدنيا كثر هـذا الرمـل وادري
.......................>ابـد مايـوم انـا تهنيـت بايامـي ولياليـهـا..؟
اعشم نفسي في بكره ولكـن هالبخـت عثـري
.......................>تعبت امنـي اقدامـي علـى بكـره بخطاويهـا..؟
تعبت احلم واتوهم وضاع العمر مـن عمـري
.......................>كفايـه ماتـت احلامـي وانـا لليـوم أرثيهـا..؟
دفنت بداخلي حلماً بنيته مـن عـرق صبـري
.......................>تخيل كم صبرت سنين وكـم طاحـت مبانيهـا..؟
خلاص الوقت مايرجـع هـذا حظـي وقـدري
.......................>مـدام ان العمـر ساعـه وتحكمهـا ثوانيـهـا..؟
الأربعاء أغسطس 15, 2012 10:40 pm
